VİDEO:Bakıda “Azərbaycan” nəşriyyatının qarşısında ağır yol qəzası baş verdi

VİDEO:Bakıda “Azərbaycan” nəşriyyatının qarşısında ağır yol qəzası baş verdi

10 Avqust 2012 14:34
1 028
Bəyəndim (0) Bəyənmədim (0)
Qəzanı törədən sürücü hadisə yerini tərk etdi

Bu gün günorta saat 14:00 radələrində Bakı şəhəri Mətbuat prospektində, Azərbaycan nəşriyyatının qarşısında ağır yol nəqliyyat hadisəsi baş verib. Nəşriyyatın həyətindən çıxan VAZ-2107 markalı 10-TM-677 dövlət nömrə nişanlı avtomobil dördyol ayrıcına çıxarkən Mətbuat prospekti istiqamətində hərəkət edən QAZ-3110 markalı 10-LG-673 dövlət nömrə nişanlı avtomobillə toqquşub. Nəticədə, VAZ-2107 markalı maşınının sürücüsü ağır bədən xəsarəti alıb. Təcili tibbi yardım stansiyasının əməkdaşları gələnə qədər yaralıya vətəndaşlar tərəfindən ilkin tibbi yardım göstərilib.

Şahidlərin verdiyi məlumata görə, qəzaya səbəb QAZ-3110 markalı maşının svetoforun qırmızı işığında yüksək sürətlə yoluna davam etməsi olub. Qəzanı törədən sürücü hadisə yerini dərhal tərk edib.

Faktla bağlı Baş Dövlət Yol Polisi İdarəsində araşdırma aparılır.

O.M.