Qaxda 30 yaşlı qadının 15 manata görə öldürüldüyü  məlum oldu

Qaxda 30 yaşlı qadının 15 manata görə öldürüldüyü məlum oldu

9 Avqust 2012 10:22
834
Bəyəndim (0) Bəyənmədim (0)

Qax Rayon Polis Şöbəsindən verilən məlumata görə, polis və prokurorluq əməkdaşlarının birgə həyata keçirdiyi əməliyyat tədbirləri nəticəsində rayonun Alatəmir kənd sakini, 1982-ci il təvəllüdlü Saknelaşvili Sorena Quramovnanın başından daşla vurularaq öldürüldüyü müəyyənləşib. Hadisəni törətməkdə təqsirli bilinən elə həmin kənd sakini, 1988-ci il təvəllüdlü Papiyaşvili Asiko Qiorqiyeviç tutularaq istintaqa təhvil verilib. İlkin dindirilmə zamanı o, 30 yaşlı qızı 15 manat borca görə öldürdüyünü bildirib.

Qeyd edək ki, məlum hadisə avqustun 5-də Qaxın Alatəmir kəndində qeydə alınıb. Kənd sakini, 1982-ci il təvəllüdlü Saknelaşvili Sorena Quramovnanın yaşadığı evin həyətyanı sahəsində üzərində zorakılıq əlamətləri olan meyiti tapılıb. Fakt araşdırılır.

O.M.