İmişlidə ağır yol-nəqliyyat hadisəsi qeydə alınıb

5 Dekabr 2020 16:55

Bəyəndim (0) Bəyənmədim (0)

İmişlidə 8 nəfərin xəsarət alması ilə nəticələnən ağır yol-nəqliyyat hadisəsi qeydə alınıb.

Oxuməni.az xəbər verir ki, hadisə rayonun Şahverdili kəndində baş verib. Belə ki,“Shacman” markalı yük maşını “QAZ-24” markalı minik avtomobili ilə toqquşub.

Qəza zamanı minik avtomobilinin sürücüsü 1988-ci il təvəllüdlü Əliyev Müslüm Səftər oğlu və sərnişinlər - 1978-ci il təvəllüdlü Gülmalıyeva Zeynəb Məhyəddin qızı, 1986-cı il təvəllüdlü Əliyeva Aytel Ağayar qızı, 1987-ci il təvəllüdlü Əliyev Pərviz Səftər oğlu, 1994-cü il təvəllüdlü Əliyeva Aygül Hilqət qızı, 2003-cü il təvəllüdlü Gülmalıyev Fərhad Abdulla oğlu, 2016-cı il təvəllüdlü Əliyev Sabir Pərviz oğlu və 2017-ci il təvəllüdlü Əliyev Hüseyn Müslüm oğlu müxtəlif dərəcəli bədən xəsarətləri alıblar.

Onlar əvvəl İmişli rayon Mərkəzi Xəstəxanasına, daha sonra isə Şirvan şəhər Mərkəzi Xəstəxanasına yerləşdiriliblər.

Faktla bağlı araşdırma aparılır.

Həmid