Gədəbəydə güclü dolu və yağış yağıb

23 May 2018 09:37

Bəyəndim (0) Bəyənmədim (0)

Gədəbəy rayonuna yağan güclü leysan yağışları təsərrüfata ziyan vurub.

Leysan yağışları və dolu nəticəsində rayonun Mormor, Arabaçı, Çay Rəsullu və daha bir neçə kənd ərazisində təsərrüfata ziyan dəyib.

Bəzi kəndlərdə yolları sel suları dağıdıb. Kəndlərə düşən dolu nəticəsində meyvə ağaclarına və bəzi evlərin dam örtüyünə də zərər dəyib. Rayonun Xarxar kəndindəki dağlıq ərazidəki otlaq sahəyə düşən ildırım nəticəsində 10-dan çox xırda buynuzlu heyvan tələf olub.

Qeyd edək ki, leysan yağışlar əsasən Şınıq bölgəsində intensiv olub və sakinlərin bildirdiyinə görə, bölgədə bir neçə kiçik körpüləri sel dağıdıb.

Baş vermiş təbiiət hadisəsinin vurduğu ziyanın hesablanması və yaratdığı problemlərin həlli istiqamətində işlər aparılır.(report)