Təbrizdə azərbaycanlıların hüquqları uğrunda hərəkatın 13 fəalının məhkəməsi başlayıb

Təbrizdə azərbaycanlıların hüquqları uğrunda hərəkatın 13 fəalının məhkəməsi başlayıb

26 Oktyabr 2011 15:12
Bəyəndim (0) Bəyənmədim (0)
Onlar Azərbaycan Respublikasının xeyrinə təbliğat aparmaqda günahlandırılırlar

Təbriz şəhər İnqilab Məhkəməsində azərbaycanlıların hüquqları uğrunda hərəkatın fəallarından olan 13 nəfərin məhkəmə prosesi başlayıb. İran mətbuatının məlumatına görə, məhkəmədə hərəkat fəallarına qarşı ittiham irəli sürülüb.

İttihama əsasən, təqsirləndirilənlər Əkbər Azad, Behbud Quluzadə, Əlirza Əbdullahi, Mahmud Fəzli, Şəhram Radmehr, Şükrullah Qəhrəmani, Sona Fərəczadə, Pınar Fərəczadə, Həsən Rəhimi, Heydər Kərimi, Aydın Xacei, Yunis Süleymani və Nəim Əhmədi İranın mövcud quruluşuna qarşı fəaliyyətdə və Azərbaycan Respublikasının xeyrinə təbliğat aparmaqda günahlandırılırlar.
Təqsirləndirilənlər ittihamın qərəzli və əsasız olduğunu, o cümlədən ibtidai istintaqda hüquqlarının pozulduğunu bildiriblər. Onlar saxlanılan zaman təzyiqlərə məruz qaldıqlarını da qeyd ediblər. Məhkəmə prosesi gələn ay davam edəcək.

Haqq incələr, ancaq sınmaz...

Sərvər Aslanov

O.M.