Əl-Qaidə bütün müsəlmanları müharibəyə səsləyib
Əl Zəvahiri bütün müsəlmanları Qəddafiyə və NATO-ya qarşı müharibəyə səsləyib.
Əl-Qaidə terror təşkilatının rəhbərlərindən sayılan Zəvahiri çıxışında düşmən adlandırdığı Qəddafi və NATO qüvvələrinə hücumların təşkil edilməsini istəyib.
ABŞ təhlükəsizlik orqanlarının verdiyi məlumata görə, Əl-Zəvahirinin danışdığı və Liviyaya qarşı hərbi əməliyyatlardan əvvəl çəkilən video görüntü 1 saat 9 dəqiqə davam edib.
Əs Səhab tərəfindən çəkilən videoda Əl-Zəvahiri, "İstər Liviya, istər Tunis, istərsə də Suriyadakı qardaşlarıma demək istəyirəm ki, əgər NATO qüvvələri Liviyaya hücum edərsə bütün müsəlmanları həm Qəddafiyə, həm də NATO-ya qarşı müharibəyə səsləyirəm", - deyib.
Bu da Qərbin növbəti oyunudur. Məqsəd hələ tam idarə olunmayan Liviya müxalifətinə kölgə salmaq və hərbi vəziyyətdə balanslaşdırılma siyasətini qoruyub saxlamaqdır.
Elvin Babayev
O.M.