Türkiyənin baş naziri İslam Kərimovun vəfatına görə başsağlığı verdi

2 Sentyabr 2016 15:07

Bəyəndim (0) Bəyənmədim (0)

Türkiyənin baş naziri Binəli Yıldırım Özbəkistan prezidenti İslam Kərimovun vəfatı ilə bağlı başsağlığı verən ilk xarici ölkə hökumət başçısı olub.

Binəli Yıldırım az əvvəl hökumətin iclasında Özbəkistan prezidentinin vəfatına görə başsağlığını çatdırıb. "Özbəkistan prezidenti İslam Kərimov vəfat edib. Allah rəhmət eləsin. Türkiyə cümhuriyyəti adından özbək xalqına başsağlığı verirəm"-Binəli Yıldırım deyib.

Hələlik rəsmi Daşkənd prezidentin öldüyünü açıqlamayıb. Bununla belə hökumət dairələrindən İslam Kərimovun qoşulduğu süni tənəffüs aparatından ayrıldığını bildiriblər. "Rosbalt" xəbər verir ki, hazırda Kərimovun vətəni Səmərqənddə onun cənazəsini gətirən təyyarənin enməsini gözləyirlər. Jurnalistlər şəhər əhalisinin az qala yarısının aeroportun ətrafına toplaşdığını bildirir. Şəhər məktəblərində dərslər ləğv edilib.

Mediainfo.az