Rəhbərlik etdiyi məktəbin səs-küyə səbəb olmasından sonra direktor danışdı

10 İyun 2016 11:58

Bəyəndim (0) Bəyənmədim (0)

"Ərim qıza sataşmayıb, sadəcə olaraq..."

Binəqədi rayonundakı Kərəm Mirzəyev adına Qubadlı rayon Xanlıq kənd 1 saylı tam orta məktəbinin direktoru Akifə Səmədova həyat yoldaşının döyülməsi faktı ilə bağlı özü zəng edib.

Dünən hadisə ilə bağlı danışmaqdan imtina edən xanım direktor ərinin qızlara sataşmağa görə yox, qiymət üstündə döyüldüyünü deyib: "Həyat yoldaşım sizin iddia etdiyiniz kimi qızlara sataşmayıb. Sadəcə olaraq, həmin qızın qiymətini kəsib. Ona görə də onun valideyinləri belə bir hərəkət edib. Kimin günahkar olmasını polis araşdıracaq."

Məktəb direktoru onu da bildirib ki, hadisə Binəqədi rayon 6-cı polis bölməsində araşdırılır.

Xatırladaq ki, Akifə Səmədova dünən olayı gizlətməyə çalışsa da, hadisəni ictimailəşdirməsindən sonra Təhsil Nazirliyi hərəkətə keçib.

Hadisəyə səbəb isə adıçəkilən təhsil ocağının direktor müavini Akif Səmədovun yuxarı sinif şagirdləri olan qızlara qarşı əxlaqsız hərəkətlər etməsi olub. (Gununsesi)

Mediainfo.az