Hərbi hissədə iki ölüm faktı

28 İyul 2011 15:53

Bəyəndim (0) Bəyənmədim (0)

Müdafiə Nazirliyinin Şəmkir hərbi birləşməsinin Gədəbəy rayonu ərazisindəki N saylı hərbi hissəsində iki ölüm hadisəsi qeydə alınıb. Etibarlı mənbənin "Trend"ə verdiyi məlumata görə, hərbi hissənin mayoru, 35 yaşlı İbrahimov Aftandil Ağamalı oğlu idarə etdiyi "VAZ-2106" markalı avtomobillə xidmət yerinə gedərkən yol qəzasına düşüb. Lənkəran sakini olan İbrahimov aldığı xəsarətdən hadisə yerində həlak olub. Həmin hərbi hissənin əsgəri Hüseynli Sakit Aslan oğlu isə xidməti silahı ilə özünü vuraraq intihar edib. 1993-cü il təvəllüdlü, Lənkəran rayon Hərbi Komissarlığından hərbi xidmətə çağırılan Hüseynli aldığı xəsarətdən dünyasını dəyişib. Hər iki hadisə ilə bağlı cinayət işi başlanıb. Müdafiə Nazirliyinin mətbuat xidmətinin rəis müavini Teymur Abdullayev hər iki faktı təsdiqləyib.

Heç kəs qəzadan sığortalanmayıb. Buna baxmayaraq ehtiyat həmişə igidin yaraşığıdır.

Tofiq Əliyev

O.M.