461 nəfərin adı magistraturaya qəbul olunanların siyahısından çıxarıldı

461 nəfərin adı magistraturaya qəbul olunanların siyahısından çıxarıldı

21 İyul 2011 14:58
718
Bəyəndim (0) Bəyənmədim (0)

Ali məktəblərin magistraturasına qəbul olunan 4396 nəfərdən yalnız 3935-i bu arzusunu gerçəkləşdirə biləcək. Bu barədə Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə bildirib. Onun sözlərinə görə 461 nəfərin adı ali məktəblərin magistraturasına qəbul olunanların siyahısından çıxarılıb: "Qaydalara əsasən, magistraturaya qəbul olunan şəxslər iyulun 18-i saat 17.00-a kimi daxil olduqları ali məktəbdə qeydiyyatdan keçməli idilər. Əks halda bu, onların daxil olduqları ixtisasdan imtinası kimi qəbul ediləcəkdi. Magistratura pilləsinə daxil olanlardan yalnız 89,51 faizi daxil olduqları ali məktəblərdə qeydiyyatdan keçib". TQDK rəsmisi həmin şəxslərin yerlərinin boş qalmış hesab edildiyini bildirib. O, avqustun əvvəllərində magistraturaya vakant yerlərlə bərabər həmin yerlərə qəbul elan ediləcəyini qeyd edib.

Tofiq Əliyev

O.M.