Azərbaycan prezidenti türkiyəli həmkarına başsağlığı göndərdi

Azərbaycan prezidenti türkiyəli həmkarına başsağlığı göndərdi

10 Oktyabr 2015 14:39
Bəyəndim (0) Bəyənmədim (0)

Azərbaycan prezidenti İlham Əliyev Türkiyədə baş vermiş terror hadisəsi ilə bağlı həmkarı Rəcəb Tayyib Ərdoğana başsağlığı məktubu göndərib. Prezident.az saytının məlumatına görə, məktubda deyilir:

Hörmətli cənab Prezident,

Əziz qardaşım,

Ankarada törədilmiş partlayışlar nəticəsində çoxsaylı insan tələfatı xəbəri məni olduqca sarsıtdı.

Biz bu terror aktından son dərəcə hiddətlənir, terrorizmin bütün təzahürlərinə qarşı hamılıqla mübarizəni zəruri hesab edirik.

Baş vermiş faciə ilə əlaqədar kədərinizi bölüşür, Sizə, həlak olanların ailələrinə və yaxınlarına, qardaş Türkiyə xalqına öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm.

Mediainfo.az