İran vətəndaşı narkotiklə saxlanıldı

3 Sentyabr 2015 16:38

Bəyəndim (0) Bəyənmədim (0)

Daxili İşlər Nazirliyinin əməkdaşları Biləsuvarda əməliyyat keçirib.

Nazirlikdən verilən məlumata görə, daxil olan əməliyyat məlumatı əsasında Biləsuvar Rayon Polis Şöbəsinin əməkdaşları tərəfindən həyata keçirilən tədbirlərlə İran İslam Respublikasının vətəndaşı Tizfəhim Fətullah saxlanılıb. Baxış zamanı onun əlindəki sellofan torbadan külli miqdarda narkotik vasitə - 5 kiloqram 190 qram narkotik vasitə olan tiryək aşkar edilərək götürülüb. Müəyyən edilib ki, Tizfəhim Fətullah istintaqa məlum olmayan mənbədən satış məqsədi ilə tiryək əldə edərək özündə saxlayıb. Daha sonra həmin narkotik vasitəni Biləsuvar rayonu ərazisində 15 min ABŞ dollarına satmaq istəyib. Faktla bağlı respublika Cinayət Məcəlləsinin müvafiq maddələri ilə cinayət işi başlanılıb. İstintaq aparılır.

Mediainfo.az