İsmayıllıda maşın ağaca çırpılıb, 3 nəfər ölüb, 1 nəfər yaralanıb
Ötən gün axşam saat 20:30 radələrində Qaraməryəm-İsmayıllı-Şəki yolunun 43.5-ci kilometrliyində, İsmayıllının Topçu kəndi ərazisində qeydə alınıb. Məlumata görə, İsmayıllının Buynuz kənd sakini "N" saylı hərbi hissənin zabiti 1978-ci il təvəllüdlü Babayev Sadiq Müsavər oğlu 50-BN-211 dövlət nömrə nişanlı "Mercedes C 230" markalı minik maşınını yüksək sürətlə idarə edərkən yoldan çıxaraq ağaca çırpılıb. Sürücü Sadiq Babayev və onun həmkəndliləri olan sərnişinlər - 1964-cü il təvəllüdlü Salehov Adil Əzbər oğlu və 1962-ci il təvəllüdlü Ağayev Xalid Oruc oğlu hadisə yerində dünyasını dəyişib, Bakı şəhər sakini 1977-ci il təvəllüdlü Bəşirov Yaqub Faiq oğlu ağır bədən xəsarətləri ilə İsmayıllı Mərkəzi rayon Xəstəxanasına yerləşdirilib. Faktla bağlı cinayət işi açılıb.
Yüksək sürət, hərdən ölümü də sürətləndirir.
Tofiq Əliyev
O.M.