Aydın Mirzəzadə: "Qarabağ"ın Qarabağda ev sahibliyi edəcəyi gün heç də uzaqda deyildir"

21 Avqust 2015 12:29

Bəyəndim (0) Bəyənmədim (0)

Azərbaycanın dəyərli ziyalısı, millət vəkili Aydın Mirzəzadə dünən "Qarabağ" futbol klubunun göstərdiyi şücaətlə bağlı Facebook səhifəsində sevincini paylaşıb:

"Azərbaycanın "Qarabağ" futbol klubunun Avropa Liqasının "pley-off" mərhələsində səfərdə İsveçrənin "Yanq Boyz" komandası ilə görüşündə 1:0 hesabı ilə qələbə qazanması bizləri çox sevindirdi.

Növbəti dəfə sevimli komandamız ölkəyə xoş xəbər, qələbə sevincləri gətirir. Komandanın timsalında bizlər artıq futbol sahəsində də əhəmiyyətli uğurlar qazana bilirik. Bu münasibətlə qəhrəman futbolçularımızı, hər kəsi ürəkdən təbrik edirəm. "Qarabağ"ın Qarabağda, Xankəndi stadionunda ev sahibliyi edəcəyi gün heç də uzaqda deyildir".

Mediainfo.az