Ötən il baş verən cinayətin üstü açıldı

29 Aprel 2015 16:11

Bəyəndim (0) Bəyənmədim (0)

Bakıda evdən külli miqdarda pul oğurlayan həbs edilib. Bu barədə Bakı şəhər Baş Polis İdarəsindən məlumat verilib.

Məlumata görə, oğurluq hadisəsi ötən ilin aprelin 19-da baş verib. Həmin gün M.Müşfiq küçəsində İsgəndər Əzimovun evindən pəncərənin şüşəsini çıxarmaq yolu ilə 7900 manat və 3000 manat dəyərində qızıl-zinət əşyaları oğurlanıb.

Daxili İşlər Nazirliyinin Kriminalistik Təhqiqatlar İdarəsi və Bakı şəhər Baş Polis İdarəsinin Cinayət Axtarış İdarəsi əməkdaşlarının birgə keçirdiyi əməliyyat-axtarış tədbirləri nəticəsində cinayətin üstü bu ilin aprelin 28-də açılıb. Oğurluq hadisəsini törətməkdə şübhəli bilinən Yevlax rayon sakini, 1995-ci il təvəllüdlü İsmayıl Vəliyev saxlanılıb.

Mediainfo.az