"Sovetski dələduzlarının" məhkəməsi başa çatdı

Bu gün Bakı Ağır Cinayətlər Məhkəməsində dələduzluğa cəhddə təqsirləndirilən "DES Consulting" şirkətinin baş direktoru Nazim Səmədov, şirkətin prezidenti Asəf Hacıismayılov, proyekt meneceri Orxan Fərhadovun cinayət işi üzrə məhkəmə prosesi başa çatıb. Hakim Əfqan Hacıyevin sədrliyi ilə keçirilən prosesdə hökm oxunub. Hakimlər kollegiyasının qərarı ilə N. Səmədəov 6 il, A. Hacıismayılov və Orxan Fərhədova isə Cinayət Məcələsinin 70-ci maddəsi tədbiq olunaraq şərti azadlıq cəzası verilib.

Qeyd edək ki, "Sovetski"dən köçürülən sakinlər üçün yeni binların tikilməsilə bağlı yayılan məlumatlarda dələduzların fırıldağı ortaya çıxıb. "Sovetski" sakinləri üçün Gəncə prospektində 810 mənzilli 16 mərtəbəli doqquz binanını tikəcəyin bildirən "DES Kosaltinq" şirkəti həmin mənzilləri hər kvmetri 375 manatdan sakinlər üçün satacaqlarını bildiriblər. Amma Yasamal rayon İcra Hakimiyyətininin məlumatı araşdırması həmin şirkətin dələduzluqla məşğul olduğunu ortaya çıxarıb. Yasamal, Səbail rayonu və eləcə də Bakı şəhər prokurorluğunun əməkdaşları "DES Konsalt"inqin ofisində araşdırmalar aparıb. Şirkətin direktoru Nazim Səmədov öz əməlinə haqq qazandımağa çalışıb. Şirkət nümayəndəsi vətəndaşlarla müqavilələr bağladığını etiraf etsə də, onlardan hər hansı məbləğdə pul almadıqlarını iddia edib. Faktla bağlı Cinayət Məcələsinin 29.178( dələduzluğa cəhd) maddəsi ilə cinayət işi başlanıb.

Mediainfo.az