“Yəhova şahidləri”nin təbliğçiləri saxlanılıb

22 Yanvar 2015 14:53

Bəyəndim (0) Bəyənmədim (0)

"Yəhova şahidləri" dini təriqətini təbliğ edənlər həbs edilib.

DİN mətbuat xidməti xəbər verir ki, Lökbatan qəsəbə sakinləri Məhluqə Əhmədova və İsmayıl Bağırov saxlanılaraq barələrində protokol tərtib edilib. Yanvarın 21-də Qaradağ rayonunun Lökbatan qəsəbəsində yerləşən ticarət mərkəzində qəsəbə sakinləri Məhluqə Əhmədova və İsmayıl Bağırov "Yəhova şahidləri" dini təriqətini təbliğ etdikləri üçün Qaradağ Rayon Mühafizə Şöbəsinin əməkdaşları tərəfindən saxlanılıb.

Onlar Qaradağ Rayon Polis İdarəsi 10-cu Polis Bölməsinə təhvil veriliblər. Onlardan təbliği və yayılması qanunla qadağan olunan 10 ədəd dini kitab götürülüb və barələrində İnzibati Xətalar Məcəlləsinin 299-cu maddəsinə əsasən protokol tərtib edilib.

Mediainfo.az