Yadigar Sadıqovun cəzası azaldılıb

Yadigar Sadıqovun cəzası azaldılıb

13 Yanvar 2015 14:37
393
Bəyəndim (0) Bəyənmədim (0)

Bu gün Ali Məhkəmədə Müsavat Partiyası başqanının həbsdə olan müavini Yadigar Sadıqovun kassasiya şikayətinə baxılıb.

Vəkili Adil İsmayılovun Apa-ya verdiyi məlumata görə, prosesdə qərar elan edilib. Qərara görə, şikayət qismən təmin edilib və Y. Sadıqovun cəzası 4 ildən 3 il 6 aya endirilib.

Qeyd edək ki, Yadigar Sadıqov 2013-cü il iyunun 27-də saxlanılıb. Müsavat başqanının müşaviri xuliqanlıqda ittiham olunur.

O, Lənkəran rayon Məhkəməsinin hökmü ilə 6 il azadlıqdan məhrum edilib. Ötən il iyulun 22-də Bakı Apellyasiya Məhkəməsi onun həbsini 4 ilə endirib. Bundan sonra o, kassasiya şikayəti ilə Ali Məhkəməyə müraciət edib.

Mediainfo.az