İzzətulla Zərğaminin Azərbaycana səfəri başlayıb

9 Oktyabr 2014 13:45

Bəyəndim (0) Bəyənmədim (0)

Bu gün İran İslam Respublikası Radio və Televiziya Təşkilatının sədri İzzətulla Zərğaminin Azərbaycana səfəri başlayır.

İranın Azərbaycandakı səfirliyindən APA-ya verilən məlumata görə, İ.Zərğami Bakıya Azərbaycanın rabitə və yüksək texnologiyalar naziri Əli Abbasovun dəvəti ilə gəlir.

Səfirlikdən qeyd ediblər ki, İ.Zərğaminin digər yüksək vəzifəli rəsmilərlə, o cümlədən Prezident Administrasiyası ictimai-siyasi şöbəsinin müdiri Əli Həsənovla görüşü gözlənilir.

İ.Zərğami səfər çərçivəsində Azərbaycan MTRŞ-da və bir neçə televiziyada olacaq, iş prosesi ilə yaxından tanış olacaq.

Qeyd olunub ki, səfər çərçivəsində Azərbaycan-İran birgə media komitəsinin yaradılması məsələsi də müzakirə olunacaq.

Mediainfo.az