Zəncirvari qəzada 5 nəfər yaralanıb

Bakıda baş verən yol qəzasında ağır xəsarətlər alanlardan ikisinin adı açıqlanıb. 3 saylı Şəhər Klinik Xəstəxanasından verilən məlumata görə, Zabratda baş verən yol qəzasında xəsarət alanlardan ikisi onlara müraciət edib. Bunlar 30 yaşlı Rövşən Rzaquliyev və 32 yaşlı Vaqif Mirəliyevdir. Hər iki yaralının vəziyyəti ağır olduğu üçün xəstəxananın reanimasiya şöbəsinə yerləşdiriliblər.

Sabunçu rayon Polis İdarəsindən bildirilib ki, hadisə zamanı yaralanan digər şəxslər yaxınları tərəfindən başqa xəstəxanalara aparılıb.

========

Bakıda bu dəqiqələrdə dəhşətli yol qəzası baş verib Hadisə şahidlərinin apa -ya verdiyi məlumata görə, qəza Sabunçu-Maştağa yolunun Zabrat qəsəbəsindən keçən hissəsində qeydə alınıb.

İki "Merdeces" və "Opel" markalı avtomobillərin toqquşması nəticəsində xeyli sayda şəxsin xəsarət aldığı bildirilir. Sabunçu Rayon Polis İdarəsindən bildirilib ki, hadisə nəticəsində 5 nəfər xəsarət alıb. Onlardan ikisinin vəziyyəti ağırdır.

Faktla bağlı araşdırma aparılır.

Mediainfo.az