Yevlaxda yük avtomobilləri toqquşub

29 May 2014 14:23

Bəyəndim (0) Bəyənmədim (0)

Yevlaxda iki yük avtomobili toqquşub, sürücülərdən biri avtomobildə sıxılmış vəziyyətdə qalıb. Fövqəladə Hallar Nazirliyinin saytı xəbər verir ki, nazirliyin "112" qaynar telefon xəttinə daxil olmuş məlumata əsasən, Yevlax rayonu, Yevlax-Bərdə yolunda "SHACMAN" və "İSUZİ" markalı iki yük avtomobili toqquşub.

Nəticədə hər iki avtomobil deformasiyaya uğrayıb, "SHACMAN" markalı minik avtomobilində olan 1 nəfər sərnişin deformasiyaya uğramış avtomobilin içində sıxılmış vəziyyətdə qalıb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə deformasiyaya uğramış avtomobildə sıxılmış vəziyyətdə qalmış sərnişini çıxarıb və aidiyyəti üzrə təhvil veriblər. Həmçinin, ərazidə müvafiq təhlükəsizlik tədbirləri görüblər.

Mediainfo.az