Əkizləri dünyaya gələn ana komada öldü

22 Yanvar 2014 11:16

Bəyəndim (0) Bəyənmədim (0)

Ötən ilin dekabr ayının 18-də əkiz qız övladı dünyaya gətirən və komaya düşən ana bu gecə dünyasını dəyişib. Bu barədə qızın atası Nadir Lalayev məlumat verib. Onun verdiyi məlumata görə, qızı Günay Lalayeva xəstəxanada dünyasını dəyişib.Qeyd edək ki,

Günay Lalayeva dekabrın 18-də 3 saylı xəstəxanada 2 qız uşağını qeysəriyyə əməliyyatı ilə dünyaya gətirib.
Dünyaya gələn uşaqlardan birinin çəkisi 2 kiloqram 700 qram, digərinin çəkisi isə 3 kiloqramdır. Uşaqlar normal olsa da, ananın vəziyyəti pisləşib.
Sonradan Günayı yenidən əməliyyat etsələr də, heç bir xeyri olmayıb və qadın komaya düşüb. Dekabrın 26-da onu Mərkəzi Tibbi Xəstəxanaya yerləşdiriblər. Günayı həmin xəstəxanada yenidən əməliyyat ediblər. Onun bəzi orqanları, o cümlədən uşaqlığı çıxarılıb. Günayın qanının zəhərləndiyi də bildirilib.