Sabah 15 dərəcəyədək istilik müşahidə olunacaq

21 Yanvar 2014 13:08

Bəyəndim (0) Bəyənmədim (0)

Bakı və Abşeron yarımadasında yanvarın 22-də hava şəraitinin dəyişkən buludlu olacağı, arabir tutulacağı gözlənilir.

Səhər və axşam bəzi yerlərdə çiskinli az yağış yağacağı gözlənilir. Axşam bəzi yerlərdə zəif duman olacaq. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, mülayim cənub-qərb küləyi gündüz arabir güclənəcək. Havanın temperaturunun gecə 2-4, gündüz 6-10 dərəcə isti olacaq.

Yanvarın 22-də Azərbaycanın şimal və şərq rayonlarında az yağıntılı olacağı gözlənilir. Ayrı-ayrı yerlərdə duman olacaq. Qərb küləyi əsəcək, arabir güclənəcək. Havanın temperaturunun gecə 0-5 isti, gündüz 10-15 dərəcə isti, dağlarda gecə 3-8 dərəcə şaxta, gündüz 3-8 dərəcə isti olacağı gözlənilir.