Məktəb direktorunu maşın vurdu

30 Sentyabr 2013 13:42

Bəyəndim (0) Bəyənmədim (0)

Gədəbəydə yolu keçmək istəyən məktəb direktorunu avtomobil vurub.

Gədəbəy rayon Polis Şöbəsindən verilən məlumata görə, hadisə Gədəbəydə rayonunun mərkəzində, Heydər Əliyev prospektində baş verib. Rayon sakini, 47 yaşlı Mahal Sadıqov idarə etdiyi "VAZ 2107" markalı avtomobillə yolu keçmək istəyən piyada, Gədəbəy rayon 4 saylı orta məktəbin direktoru, Yenikənd kənd sakini 39 yaşlı Əjdər Ələsgərovu vurub. Xəsarət alan Əjdər Ələsgərov dərhal Gəncə şəhər Təcili Tibbi Yardım xəstəxanasına yerləşdirilib. Həkimlər onun vəziyyətini normal qiymətləndirirlər. Gədəbəy rayon Polis Şöbəsindən bildiriblər ki, qəzanı törədən Mahal Sadıqov saxlanılıb. Faktla bağlı Gədəbəy rayon Polis Şöbəsində araşdırma aparılır.