Müəllim yanından qayıdan şagird son dəfə yolu keçdi...

19 Sentyabr 2013 13:05

Bəyəndim (0) Bəyənmədim (0)

Avtomobil məktəblini vuraraq öldürüb

Sentyabrın 18-də axşam saatlarında Bakı-Quba yolunda ölümlə nəticələnən yol nəqliyyat hadisəsi baş verib.

Qəza Bakı-Quba yolunun 73-cü km-də, Xızı rayonunun Giləzi qəsəbəsi ərazisində qeydə alınıb. Ağdam rayonu, Çəmənli kənd sakini, 1994-cü il təvəllüdlü Şəhriyar Cəlaloğlu idarə etdiyi "VAZ 21 044" markalı, 99 BS 414 dövlət nömrə nişanlı avtomobillə yolu keçmək istəyən Xızı rayonu, Giləzi qəsəbə sakini, 1996-cı il təvəllüdlü Məmmədov Rəsul Fazil oğlunu vurub. Piyada aldığı xəsarətlərdən dünyasını dəyişib.

Qeyd edək ki, R. Məmmədovun 11-ci sinif şagirdi olub, qəza o, müəllim yanından qayıdan zaman baş verib. Faktla bağlı Cinayət Məcəlləsinin 263.2-ci maddəsi ilə cinayət işi açılıb, araşdırmalar aparılır.

O.M.