MSK onlayn xidmət göstərəcək

2 Sentyabr 2013 13:25

Bəyəndim (0) Bəyənmədim (0)

Mərkəzi Seçki Komissiyası da "Elektron hökumət" portalına qoşulub. Rabitə və İnformasiya Texnologiyaları Nazirliyindən verilən xəbərdə deyilir ki, MSK-nın altı xidməti "Elektron hökumət" portalına inteqrasiya edilib.İnternet vasitəsilə "Ad, soyad və ata adı üzrə dairə və məntəqələrin axtarışı", "Dairə və məntəqə ünvanlarının axtarışı", "Dairə və məntəqələrin xəritə üzrə axtarışı","On-layn müraciət", "Seçici siyahısı üçün məlumatların daxil edilməsi", "Seçici ünvanına görə dairə və məntəqənin axtarışı" mümkün olacaq. MSK-nın sözügedən elektron xidmətlərini seçdikdə hər bir portal istifadəçisi tələb olunan məlumatları daxil etməklə ad, soyad, və ata adı üzrə dairə və məntəqələrin, ünvanların, dairə və məntəqələrin xəritə üzrə axtarışlarını, seçici siyahısı üçün məlumatları ala, həmçinin on-layn müraciətlərini göndərə bilər.

O.M.