Yetkinlik yaşına çatmayanlar mərc oyunlarında iştirak edə bilməzlər

Yetkinlik yaşına çatmayanlar mərc oyunlarında iştirak edə bilməzlər

3 İyul 2013 13:22
608
Bəyəndim (0) Bəyənmədim (0)
Yeni qadağa!

Azərbaycanda yetkinlik yaşına çatmayanlar arasında idman mərc oyunlarının təbliği və onların bu oyunlara cəlb olunması qadağan olunur.

Milli Məclisdən verilən məlumata görə, bu, yeni hazırlanmış "Reklam haqqında" qanunda əksini tapıb.

Yeni qanunun 32-ci maddəsində bildirilir ki, idman mərc oyunlarının yayılması, təbliğ və reklamında yetkinlik yaşına çatmayanlara müraciət olunması qadağandır. Maddədə eyni zamanda o da göstərilir ki, bu cür oyunlarda, lotereyalarda iştirakın asan yolla qazanc, şəxsi uğur əldə etmək, cəmiyyətdə nüfuz qazanmaq vasitəsi olması fikrinin yaradılması qadağan olunur. Bundan başqa, reklamlarda bu oyunlarda uduşa zəmanət verilməsi də yeni qanunla qadağan olunur.

Azərbaycan prezidentinin imzası ilə daxil olan qanun layihəsi artıq Milli Məclisin İqtisadi siyasət və Hüquq siyasəti və dövlət quruculuğu komitələrinin iyunun 21-də keçirilən birgə iclasında müzakirə olunaraq parlamentin plenar iclasına tövsiyə olunub.

Layihə Milli Məclisin payız sessiyasında müzakirəyə çıxarılacaq.

O.M.