Mobil telefonlarən partlaması bir ailəni məhv etdi, evdə yanğın baş verdi

Hakkari vilayətinin Yüksekova rayonunda iki mobil telefonun partlaması nəticəsində baş verən yanğın mətbəxi və evin bəzi hissələrini yararsız hala saldı.

Oxuməni.az Haberler.com-a istinadən xəbər verir ki, Yüksekova rayonunun Beşbulak məhəlləsindəki bir evdə yanğın baş verib. İlkin məlumatlara görə, Engin Dara və ailəsi yatarkən mətbəxdən gələn güclü bir qoxu hiss ediblər. Həyat yoldaşı ilə birlikdə mətbəxə gedərkən Engin Dara partlayış səsi eşidib. Mətbəx qapısını açan Dara, alov içində qalan iki mobil telefonu gördü. Alov mətbəxin digər hissələrinə də yayılıb. Ailə uşaqları oyadıb çölə çıxdı.

Hadisə yerinə yanğınsöndürənlər və hərbçilər göndərilib. Yanğınsöndürənlərin müdaxiləsi sayəsində yanğın nəzarət altına alınıb. Yanğın mətbəxə və evin bir neçə digər hissəsinə, eləcə də məişət texnikasına və müxtəlif məişət əşyalarına ziyan vurub.

Hadisəni danışan Engin Dara deyib: "Səhər tezdən güclü bir qoxu hiss etdik. Uşaqlarla yatırdıq. Həyat yoldaşımla mətbəxə yaxınlaşanda partlayış oldu. Qapını açanda xalçanın üstündəki telefonların alov içində olduğunu gördüm. Bir neçə saniyə sonra xalça da alov aldı. Uşaqları tüstü arasında oyadıb çölə çıxardıq. Qonşular kömək üçün qaçdılar. İlk tibbi yardımı özümüz göstərdik. Sonra yanğınsöndürənlər gəlib yanğını söndürdülər. Lakin mətbəx istifadəyə yararsız hala düşüb."

Sevim Dara da öz növbəsində telefonların şarj olunmadığını qeyd edərək dedi: "Mətbəxə girəndə mobil telefonlar yanırdı. Qısa müddət sonra alovlar böyüdü və bütün mətbəx tüstü ilə doldu. Bir neçə saniyə ərzində mətbəxim tamamilə məhv oldu. Telefonlar şarj olunmurdu. Onların necə partladığını da bilmirik."

Yanğının səbəbini müəyyən etmək üçün araşdırma başlanıb.

Əziz Mustafa