Qazaxıstan vətəndaşı Şarm əl-Şeyx hava limanında reklam lövhəsinin uçması nəticəsində ölüb

12:34

Bəyəndim (1) Bəyənmədim (0)

Misirin Şarm əl-Şeyx kurortunun hava limanında uçuş zonasında sərnişinlərin üzərinə reklam lövhəsi düşüb. Nəticədə bir qadın dünyasını dəyişib. RİA Novosti-yə respublika Xarici İşlər Nazirliyinin rəsmi nümayəndəsi Aybek Smadiyarov bildirib ki, o, Qazaxıstan vətəndaşıdır. Onun iki həmyerlisi yüngül xəsarətlər alıb.

Cənab Smadiyarov aydınlaşdırdı ki, onlar artıq mərhumun yaxınları ilə əlaqə yaradıblar və konsul onlara bütün məsələlərdə köməklik göstərir. Xəsarət alan iki qadına tibbi yardım göstərilib. Onların həyatı təhlükədə deyil.

Diplomatın sözlərinə görə, hazırda reklam lövhəsinin düşdüyü yerdə əməliyyat-istintaq tədbirləri aparılır. Qazaxıstan səfirliyi vəziyyəti xüsusi nəzarətə götürüb. Misirin mülki aviasiya naziri qəza yerinə qrup göndərib

Əziz Mustafa