Azərbaycan Ordusunun daha bir əsgəri özünü güllələdi

1 Mart 2013 10:04

Bəyəndim (0) Bəyənmədim (0)

O, aprel ayında əsgəri xidmətini başa vuracaqdı

Azərbaycan Ordusu daha bir əsgərini itirib. Məlumata görə, Şəmkir hərbi birləşməsinin əsgəri, Qazax rayonundakı "N" saylı hərbi hissədə xidmət edən Göyçayın Kürdəmiş kənd sakini, 1990-cı il təvəllüdlü Allahverdiyev Seymur Mürvət oğlu dünən postda olarkən tabeliyində olan avtomat silahdan atəş açaraq intihar edib. 17 aydır hərbi xidmətdə olan Seymur Allahverdiyev bu ilin aprelində əsgəri xidmətini başa vuracaqdı. Əsgərin meyiti bu gün səhər saatlarında Göyçaya gətirilərək ailəsinə təhvil verilib. Faktla bağlı araşdırma aparılır. Müdafiə Nazirliyi mətbuat xidmətindən verilən məlumata görə, hadisə ilə bağlı cinayət işi qaldırılıb. İntiharın səbəbi araşdırılır.

O.M.