FHN leysan yağışlarının törətdiyi fəsadlarla bağlı məlumat yayıb

12 Sentyabr 2012 10:40

Bəyəndim (0) Bəyənmədim (0)

Fövqəladə Hallar Nazirliyi (FHN) aramsız yağışların respublikada törətdiyi fəsadlarla bağlı məlumat yayıb

FHN-nin mətbuat xidmətindən verilən məlumata görə, Aran Regional Mərkəzinin inzibati ərazisində hava şəraitinin yağışlı keçməsi ilə əlaqədar Yevlax rayonunun Yenicə kəndində bir neçə fərdi yaşayış evinin həyətyanı sahəsinə yağış suyu dolması müşahidə olunub. Yağış sularının çəkilməsi məqsədilə FHN-in müvafiq qüvvə və texnikası həmin ərazilərə cəlb olunub, gün ərzində suçəkmə işləri aparılıb. Bundan başqa, Lənkəran rayonunun Əşlə kəndində yağan leysan xarakterli yağışlar səbəbindən Lənkəran çayının daşması nəticəsində çayı keçmək istəyən 1 nəfər köməksiz vəziyyətdə qalıb. Hadisə yerinə cəlb olunmuş FHN-in müvafiq xilasetmə qüvvələri həmin şəxsi xilas edib və aidiyyatı üzrə təhvil veriblər.

O.M.