Avstriyada qar uçqunundan sonra iki nəfərin axtarışları davam edir

Avstriyada qar uçqunundan sonra iki nəfərin axtarışları davam edir.

Oxuməni.az xəbər verir ki, son məlumatlara görə, Avstriyanın Lex-Zürs dağ-xizək kurortunda qar uçqunu nəticəsində iki nəfər itkin düşüb. Bu barədə bazar günü, dekabrın 25-də axşam Avstriyanın Vorarlberq Quru Təhlükəsizliyi Şurasının nümayəndəsi Kristian Qantner məlumat verib.

Bu məlumatlara görə, on nəfərdən altısı xəsarət almayıb. Daha iki xizəkçi yaralanıb. Onlardan biri xəstəxanaya özü gələ bilib, ikincisi isə təyyarə ilə İnsbrukdakı klinikaya aparılıb. Vorarlberq Təhlükəsizlik Şurası qeyd edib ki, iki itkin düşmüş şəxsin taleyi ilə bağlı nikbin proqnozlar var.

Bundan əvvəl 10 nəfərin qar altında qala biləcəyi bildirilirdi. Lech-Zürs turizm mərkəzi bu fərziyyənin ziyarətçilərdən birinin çəkdiyi videoya əsaslandığını izah edib.

Axtarış əməliyyatına 200-ə yaxın insan və 8 helikopter cəlb olunub. Qaranlığın başlamasına baxmayaraq insanların axtarışı davam etdirilib, uçqun yeri projektorlarla işıqlandırılır.

Hadisədən bir neçə saat əvvəl Avstriyanın digər xizək kurortuna, Seldendə qar uçqunu olub. Yerli medianın məlumatına görə, ilkin olaraq eniş zamanı bir nəfərin yaralana biləcəyi ehtimal edilsə də, xilasetmə əməliyyatı zamanı heç kim tapıla bilməyib və iki saat yarımdan sonra axtarışlar dayandırılıb.

Emin Axund, Oxuməni.az