Yevlaxda “Vaz 2106” ilə “Toyota” toqquşub

13 Avqust 2012 10:25

Bəyəndim (0) Bəyənmədim (0)

Yevlaxda bir nəfərin ölümü, iki nəfərin xəsarət alması ilə nəticələnən ağır yol qəzası baş verib.

FHN-nin mətbuat xidmətindən verilən məlumata görə, Yevlax rayonu, Nemətabad kəndində sahibi məlum olmayan "VAZ-2106" markalı minik avtomobili sahibi məlum olmayan "TOYOTA" markalı minik avtomobili ilə toqquşması nəticəsində yol-qəza hadisəsi baş vermişdir. Nəticədə "VAZ 2106" markalı minik avtomobilinin sürücüsü aldığı bədən xəsarətləri ilə hadisə yerində vəfat etmiş və aidiyyatı üzrə təhvil verilmişdir. Avtomobildə olan şəxsiyyətləri məlum olmayan 2 nəfər sərnişin müxtəlif bədən xəsarətləri ilə yanğınsöndürənlər tərəfindən kəsici alətlərdən istifadə etməklə avtomobildən çıxarılaraq təcili yardım xidmətinə təhvil verilmişdir. Hadisə ilə əlaqədar müvafiq qurumlar tərəfindən təhqiqat aparılır.

O.M.