Şəki rayonunda ölümlə nəticələnən yol nəqliyyat hadisəsi baş verib

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Şəki rayonu, Baş Küngüt kəndi ərazisində Şəki-Oğuz yolunun 12-ci kilometrliyində "VAZ" və "Hyundai" markalı 2 minik avtomobili toqquşmuşdur. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunmuşlar. Hadisə yerində əməliyyat şəraiti qiymətləndirilərkən məlum olmuşdur ki, "VAZ" markalı avtomobildə olan 1 nəfər sərnişin - 1966-cı il təvəllüdlü Afilə Sevindik qızı Həsənova hadisə yerində ölmüş və deformasiyaya uğramış nəqliyyat vasitəsində sıxılmış vəziyyətdə qalmış, həmin avtomobilin sürücüsü və "Hyundai" markalı avtomobildə olan 2 nəfər yaralanmışlar. Yaralılara vətəndaşlar tərəfindən köməklik göstərilmişdir. Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə N.Həsənovanın cəsədini avtomobildən çıxarmış və aidiyyəti üzrə təhvil vermişlər. Hadisə ilə əlaqədar müvafiq qurumlar tərəfindən təhqiqat aparılır.

O.M.