Axtarılır - 52 yaşlı kişi itkin düşüb

27 May 2014 14:06

Bəyəndim (0) Bəyənmədim (0)

Bakıda 52 yaşlı kişi itkin düşüb. Bu barədə apa -ya itkin düşən şəxsin - 52 yaşlı İbrahimov Fərhad Abbasəli oğlunun yaxınları məlumat verib. Məlumata görə, İbrahimov Fərhad Abbasəli oğlu mayın 22-də yaşadığı Bakı şəhəri, Nəsimi rayonu ərazisində yerləşən mənzilindən çıxıb və geri qayıtmayıb. Yaxınları onun itkin düşməsi barədə Nəsimi rayon Polis İdarəsinin 22-ci Polis Bölməsinə məlumat veriblər.

Yaxınlarının dediyinə görə, F. İbrahimov xəstədir və onda ciddi yaddaş problemləri var. Böyük ehtimalla o, yaddaşındakı problemlərlə əlaqədar evini tapa bilmir.

Yaxınları F. İbrahimovun fotosunu da təqdim ediblər. O, evdən çıxarkən əynində qısa qollu köynək, cins şalvar olub. Onu görənlərdən Daxili İşlər Nazirliyinin "102" xidmətinə və (070) 753-16-85 nömrəli telefona məlumat vermələri xahiş olunur.

22-ci Polis Bölməsindən isə bildirilib ki, 6 gün əvvəl itkin düşmüş F. İbrahimovun axtarışları davam etdirilir.

Mediainfo.az