Hələ belə penalti olmamışdı - Video

Almaniyanın II Bundesliqasının 9-cu turunda keçirilən "Holştayn Kil" - "Bohum" matçında qeyri-adi qayda pozuntusu qeydə alınıb.

Oxumeni.az xəbər verir ki, "Holştayn Kil"in futbolçusu Mixael Eberveyn öz komandasının qapısına penalti təyin olunmasına səbəb olub. 23 yaşlı yarımmüdafiəçi ehtiyat oyunçu kimi qapı xəttinin arxasında məşq etdiyi vaxt meydançanı tərk edən topa ayağı ilə toxunub. Lakin videotəkrardan sonra məlum olub ki, futbolçu toxunuş edəndə top meydandan çıxmayıb. Buna görə də baş hakim "Holştayn Kil"in formal olaraq 12 oyunçusunun olduğunu bildirərək, qaydalara zidd olduğu üçün Eberveynə sarı vərəqə göstərib və penalti təyin edib. Buna baxmayaraq görüş "Holşteyn Kil"in 2:1 hesablı qələbəsi ilə başa çatıb.

Qeyd edək ki, Almaniya Futbol İttifaqının qaydalarına əsasən, matç komandanın rəsmi nümayəndəsi - ehtiyat və ya əvəzlənən oyunçunun kənardan matça müdaxiləsi səbəbi ilə dayanarsa, qarşılaşma cərimə zərbəsi və ya penalti ilə davam edir.

Şahid olduğunuz hadisələrin video və ya fotosunu çəkərək bizə göndərin:
(055)7717799(Whatsapp)