DÇ-2018: C qrupunda formal, E qrupunda ölüm-qalım savaşı

Bu gün DÇ-2018-in seçmə mərhələsi çərçivəsində X tura start veriləcək. Apasport.az saytının məlumatına görə, bu gün C, E və F qrupuna yekun vurulacaq.

Milli komandamızın da mübarizə apardığı C qrupunda qalib və ikinci yerin sahibi bəlli olduğu üçün son oyunlar formal xarakter daşıyacaq. Yığmamız Almaniya, Çexiya San Marino, Norveç isə Şimali İrlandiya ilə qarşılaşacaq.

E qrupunda isə hər şey son turda bəlli olacaq. Polşa mundiala birbaşa yollanmaq istəyirsə, evdə Monteneqrodan üstün olmalıdı. Danimarka isə birincilik üçün Rumıniyanı yenib polyakların məğlubiyyətini gözləməlidi. Hazırda üçüncü pillədə qərarlaşmış Monteneqro isə liderlikdən əlini üzsə də, pley-offlarda mübarizə aparmaq üçün Polşaya qalib gəlməli və Danimarkanın uduzmağını arzulamalıdı.

F qrupunda da isə son tur ikinci yerin sahibini müəyyən edəcək. Lider İngiltərə Litva səfərinə yollanacaq. Slovakiya Maltaya qalib gəlib Şotlandiyanın Sloveniyaya məğlub olmasını arzulayacaq ki, ikinci pilləni ələ keçirsin. Sloveniya isə öz növbəsində eyni hədəf üçün Şotlandiyanı xalsız qoyub Maltadan möcüzə gözləyəcək.

DÇ-2018-in seçmə mərhələsi

Avropa zonası

X tur, 8 oktyabr

C qrupu

22:45. Çexiya - San-Marino

22:45. Norveç - Şimali İrlandiya

22:45. Almaniya - Azərbaycan

E qrupu

20:00. Danimarka – Rumıniya

20:00. Polşa - Monteneqro

20:00. Qazaxıstan - Ermənistan

F qrupu

20:00. Slovakiya – Malta

20:00. Litva - İngiltərə

20:00. Sloveniya - Şotlandiya