Millimiz FİFA-nın reytinq cədvəlində 15 pillə irəliləyib
Futbol üzrə Azərbaycan millisi dünya komandalarının reytinq cədvəlində 15 pillə birdən yüksəlib. Müvafiq cədvəli FİFA sentyabrın 21-də rəsmi olaraq açıqlayacaq. Cədvəldə birinci yerdə əvvəlki kimi İspaniya komandası qərarlaşıb. Azərbaycan yığması isə 97-ci sıradadır. Dünya sıralamasında sonuncu olan 203-cü yeri San-Marino millisi tutur. Xatırladaq ki, 2012-ci ilin Avropa çempionatına seçmə oyunlar çərçivəsində Belçika və Qazaxıstanla keçirdiyi son iki oyununda millimiz ümumilikdə dörd xal toplayaraq qrupdakı xal ehtiyatını 7-yə çatdırıb.
Ümid edək ki, milli komandamız bir addım irəliləyi, iki addım geriləmıyəcək.
Tofiq Əliyev
O.M.
Digər xəbərlər