Rusiyanın tanınmış futbol şərhçisi: ""Qarabağı" öldürdülər!"

Rusiyanın tanınmış futbol şərhçisi: ""Qarabağı" öldürdülər!"

12 Dekabr 2014 12:55
434
Bəyəndim (0) Bəyənmədim (0)

"Qarabağ"ı öldürdülər, öldürdülər". Apasport.az saytının məlumatına görə, bu sözləri Rusiyanın tanınmış futbol şərhçisi Georgi Çerdantsev deyib.

Rusiyanın populyar "NTV-Plyus Futbol" kanalı ilə Avropa Liqasının qrup mərhələsinin son turunun oyunlarını şərh edən ekspert Bakıda keçirilən "Qarabağ" (Azərbaycan) – "İnter" (İtaliya) oyununa da toxunub.

O, son dəqiqələrdə rəqib qapısına yol tapan Riçard Almeydanın qolunun sayılmamasını ədalətsizlik hesab edib, təmsilçimizin çıxışını dəyərləndirib: "Qarabağ" da Rusiya "Krasnodar"ı kimi qrup mərhələsinin debütantıdı. Buna baxmayaraq, "Qarabağ" çox güclü qrupda 6 xal topladı. Elə "Krasnodar" kimi. Hərçənd, Azərbaycan və Rusiya çempionatlarını müqayisə etmək tam düzgün deyil".

Verilişə qatılan Kirill Dementyev də Mioslav Zelinkanın rəhbərlik etdiyi çexiyalı hakimlərin ədalətsizliyindən danışıb: "Düşünürəm ki, "Qarabağ" – "İnter" oyununun hakimliyi uzun müddət müzakirə olunacaq. Amma nəticə əlbəttə ki, dəyişməz qalacaq".

Aparıcı Sergey Akulinin 0:0 hesabı ilə başa çatan qarşılaşmanın sonunda yaşananları şərh edib: "Qrup mərhələsinin debütantı olan "Qarabağ" Avropa Liqasının 1/16 final mərhələsinə çıxmağa çalışırdı. Bu da onlarda demək olar ki, alındı. Oyuna artırılan vaxtda top "İnter"in oyunçusunun ayağından sıçrayıb qapıya daxil oldu. Lakin yan xətt hakimi elə hesab etdi ki, son toxunuş "Qarabağ"ın futbolçusundan olub. Bu səhv olmasaydı, "Qarabağ" növbəti mərhələyə keçəcəkdi".

Mediainfo.az