DÇ-2022-nin seçmə mərhələsinə yekun vurulacaq

16 Noyabr 2021 10:55

Bəyəndim (0) Bəyənmədim (0)

Bu gün DÇ-2022-nin seçmə mərhələsinə yekun vurulacaq.

Oxuməni.az xəbər verir ki, 10-cu turda son oyun günündə D, E və G qruplarında ümumən 7 görüş keçiriləcək. Bununla da Avropadan final mərhələsinə və pley-offa vəsiqə qazanan son komandalar bəlli olacaq.

D qrupunda 2-ci yer uğrunda mübarizə aparan Finlandiya millisi Fransanı qəbul edəcək. Qrupun digər oyununda Ukrayna seçməsi Bosniya və Herseqovinanın qonağı olacaq. Aleksandr Petrakovun rəhbərlik etdiyi kollektiv pley-offa adlamaq üçün səfərdə qələbə qazanmaqla yanaşı, finlandiyalıların xal itirməsini gözləməlidir.

E qrupunda final mərhələsinə birbaşa yollanacağı dəqiqləşən Belçika səfərdə Uelslə qarşılaşacaq. Çexiya yığması isə evdə Estoniya ilə üz-üzə gələcək. Uels və Çexiya kollektivləri qrupda 2-ci yer uğrunda mübarizə aparsalar da, UEFA Millətlər Liqasından pley-offa vəsiqəni təmin ediblər.

G qrupunda olacaq 20 xalla qrupa başçılıq edən Niderland millisi evdə Norveçi sınağa çəkəcək. Digər matçda isə Türkiyə seçməsi səfərdə Monteneqro ilə qarşılaşacaq.

DÇ-2022, seçmə mərhələ

10-cu tur

16 noyabr

D qrupu

23:45. Finlandiya - Fransa

23:45. Bosniya və Herseqovina - Ukrayna

1	Fransa	7	4	3	0	16	3	15
2	Finlandiya	7	3	2	2	10	8	11
3	Ukrayna	7	1	6	0	9	8	9
4	Bosniya və Herseqovina	7	1	4	2	9	10	7
5	Qazaxıstan	8	0	3	5	5	20	3

E qrupu

23:45. Uels - Belçika

23:45. Çexiya - Estoniya

1	Belçika	7	6	1	0	24	5	19
2	Uels	7	4	2	1	13	8	14
3	Çexiya Respublikası	7	3	2	2	12	9	11
4	Estoniya	7	1	1	5	9	19	4
5	Belarus	8	1	0	7	7	24	3

G qrupu

23:45. Cəbəllütariq - Latviya

23:45. Monteneqro - Türkiyə

23:45. Niderland - Norveç

1	Hollandiya	9	6	2	1	31	8	20
2	Türkiyə	9	5	3	1	25	15	18
3	Norveç	9	5	3	1	15	6	18
4	Monteneqro	9	3	3	3	13	13	12
5	Latviya	9	1	3	5	8	13	6
6	Cəbəllütariq	9	0	0	9	3	40	0

Qeyd edək ki, daha əvvəl Avropa zonasından Almaniya, Danimarka, Belçika, Fransa, Xorvatiya, Serbiya, İspaniya, İngiltərə və İsveçrə yığmaları DÇ-2022-yə vəsiqə qazanıb. Pley-off mərhələsində isə hələlik Portuqaliya, İsveç, Şotlandiya, Rusiya, Şimali Makedoniya, İtaliya və Polşa millilərinin çıxış edəcəkləri dəqiqləşib.