Emin və azərbaycanlı məşhurlardan “Azərbaycan-101” layihəsi - Video

Emin və azərbaycanlı məşhurlardan “Azərbaycan-101” layihəsi - Video

20 Oktyabr 10:35
55
Bəyəndim (0) Bəyənmədim (0)

Xalq artisti Emin Ağalarov Azərbaycana həsr olunmuş "Azərbaycan-101" adlı irimiqyaslı musiqi layihəsini təqdim edib.

Oxumeni.az-ın məlumatına görə, İnstaqram hesabında yeni layihəsinin işıq üzü görməsi haqda məlumat verən Emin həmyerlilərini Azərbaycanın Müstəqillik Günü münasibəti ilə təbrik edib və 2019-cu ildə republikanın 101 yaşı tamam olduğunu qeyd edib:

“Azərbaycan! Mən səni sevirəm! Harada olmağımızdan asılı olmayaraq, biz həmişə doğma torpağımızı, yaxın insanlarımızı, uşaqlığımızı, doğma diyarımızı düşünürük və xatırlayırıq. Azərbaycan, bizim hamımızı birləşdirdiyin üçün çox sağ ol!

Layihədə Emin Ağalarovla yanaşı Xalq artistləri Aygün Kazımova, Zülfiyyə Xanbabayeva, Elçin Əzizov, Yusif Eyvazov, eləcə də Jony, Bahh Tee və digər məşhur azərbaycanlı artistlər yer alıb.

Xalq artisti, həmçinin, mahnının müəlliflərinə - söz yazarı, Heydər Əliyev Fondunun vitse-prezidenti Leyla Əliyevaya və bəstəkar Ruslan Ağababayevə xüsusi minnətdarlığını bildirib. Klipin rejissoru Emin Muradovdur.

Oxumeni.az