Aqua park “Klub 44”də gənc musiqiçi Vüqar Hüseynzadənin klipinin təqdimatı oldu
Aqua park "Klub 44"də gənc musiqiçi Vüqar Hüseynzadənin "Yaz xatirələri" adlı kompozisiyasının klipinin təqdimatı oldu. Mərasimi Avropa prodüseri Sultan keçirirdi. Təqdimatda bir çox tanınmış sənətçilər də iştirak edirdi. Klipin təqdimatı jurnalistlər tərəfindən çox maraqla izlənildi, hamı tərəfindən böyük alqışlar yağdırıldı.
İlk sualımız Vüqarın
prodüseri Sultana oldu:
- Necə oldu ki, Vüqar bir
çox prodüserlərin içində sizə müraciət etdi?
Sultan suala nədənsə əsəbi
halda cavab verdi:
- Azərbaycanda bir çox sənətkarlar
var ki, mənim onlara çox böyük köməkliyim dəyib. Vüqar 14 ildir musiqiylə məşğul
olur. Mənə müraciət etməmişdən qabaq maraqlanıb, sonra müraciət edib. Biz yaxın
qardaş və qohumuq. Vüqar ilk ud ifaçısıdır ki, bir yenilik gətirəcək musiqimizə.
Bir çox alətlərdə də çox gözəl ifa edir. İnanıram ki, "Yaz xatirələri"
kompozisiyasına kim qulaq assa, təsirlənəcək. İnşAllah bir-neçə ölkədə ən yaxın
zamanlarda böyük bir proyektimiz olacaq.
Söhbət zamanı müsahibim bir
çox prodüserlərin bostanına da daş atdı: "İndi prodüser yoxdur, disk daşıyan
çoxdur. Mənim üçün prodüser sözü əziz və hörmətlidir. Mən əlimdən gələni edəcəm
ki, Vüqar bir ud ifaçısı kimi sevilsin. Təqdim etdiyimiz musiqinin sözləri
yoxdur. On beş saniyəlik bir türk filmindən götürülüb. Üç dəqiqə iyirmi səkkiz
saniyəlik udla maraqlı ifa alınıb. Vüqarla kim qalmaqal etmək istəsə,
qarşısında məni görəcək Çünki, yetərincə tanınmış həm prodüserəm, bir də VİP
müğənniyəm".
Biz
də gənc, istedadlı musiqiçi Vüqara sənət yollarında uğurlar arzu edirik!
Şəlalə Nəriman
Mehriban Bəylərqızı
O.M.