"Ağzımı açdırma..." - qalmaqal böyüyür

"Ağzımı açdırma..." - qalmaqal böyüyür

20 Dekabr 2017 10:30
181
Bəyəndim (0) Bəyənmədim (0)

Müğənni-bəstəkar Rəhim Rəhimli ilə prodüser Tarix Əliyev (Tolik) arasındakı qalmaqal daha da böyüyüb.

Rəhim ötən gün Tolikin ona "yekəbaş" deməsinə sərt cavab verib.

Tolik də onun sözlərini cavabsız qoymayıb. Prodüser İnstaqram səhifəsində Rəhimli ilə bağlı bunları yazıb:

"Deyirəm, bu Rəhim də özünü şou-biznesdə böyük fiqur sayır. Mənə deyir ki, Tolik 3 konsert edib. Ay "oçkili" oğlan, məni yanındakı çanta daşıyanlarla səhv saldın. Mən dövlət tədbirləri təşkil edən də (düzüdür, sən heç vaxt dövlət tədbiri görməmisən, bundan sonra da görməyəcəksən)... Rəhim elə bilir ki, bu gün Aygün, sabah Röya…

Amma sən hələ gəl 10 sənətkarın ikimiz haqında danışığına bax, gör, sənin sənətin hansı yerdədir. Sonra özünə qiymət ver. Bir də ki, mənə Niyam Salami deyib, özümdən uydurmamışam. Həm də sən hələ o statusda müğənni deyilsən ki, işimə qiymət verəsən. Hələ özünü təsdiqlə, qalsın yan-yörən. Ağzımı da açdırma, mən sənin üçün o-bu deyiləm. Yerini bilsən pis olmaz.

Şükürlər olsun ki, pis aludəçiliyim yoxdur: nə siqaret çəkirəm, nə də ki…".

Qeyd edək ki, Rəhim Toliki yalan danışmaqda günahlandırmış, insanların şəxsi həyatını efirdə açıq-aşkar dediyi üçün qınamışdı.Axşam.az