Aygün Kazımova mahnısının sözlərini lağa qoyanların cavabını verdi -VİDEO
Azərbaycanın xalq artisti Aygün Kazımova 2016-cı ilin hiti hesab edilən "Orasına-burasına" mahnısı haqqında gəzən söz-söhbətlərə birdəfəlik son qoydu.
Belə ki, Ceyhun Qalanın məhz Diva üçün ərsəyə gətirdiyi başıbəlalı mahnının sözləri sosial şəbəkə istifadəçiləri tərəfindən birmənalı qarşılanmayıb.
"Burada qeyri-adi heç nə yoxdur. Yalnız dar düşüncəli insanlar beyinlərinin olmayan təfəkkürü ilə bu cür səviyyəsiz fikirləşirlər. Mahnının sözlərinə diqqətlə qulaq asmaq və qavramaq lazımdır. Yaxşı ki, rastlaşdıq və mən sizin "Oxu Məni" qəzetiniz və Mediainfo.az saytınız vasitəsilə bu cür mənasız söz-söhbətə son qoyuram!" – deyə açıqlama verən Aygün Kazımova sosial şəbəkələr vasitəsilə ünvanına təhqir yağdıran izləyicilərini məhkəməyə verəcəyini də əlavə etdi:
- "Orasına-burasına" mahnısını tam dinləmədən ağzına gələni yazanları blok edəcəyəm! Lap pis halda isə polis orqanlarına şikayət edəcəyəm! Hər kəs yerini və səviyyəsini bilsin.
Hazırladı: Könül Aypara
.jpg)
