Suriya ermənisi Azərbaycana gəlir:  XİN niyə susur və ya işğal altıdakı ərazilər Ermənistana verilibmi ?-Video

Suriya ermənisi Azərbaycana gəlir: XİN niyə susur və ya işğal altıdakı ərazilər Ermənistana verilibmi ?-Video

4 Mart 09:28
280
Bəyəndim (0) Bəyənmədim (0)

Erməni diasporundan olan iş adamı Vahe Keushgueryan Qarabağda yaşamağa qərar verib.

Bunu erməni iş adamının özü sosial mediaya verdiyi açıqlamada bildirib.

Oxuməni.az yenisabah-a istinadən xəbər verir ki, Vahe Keushgueryanın Qarabağa köçməsi səbəbsiz deyil. Qondarma “DQR”-ın “prezidentii Arayik Harutyunyan 19 fevral tarixində fərman imzalayaraq, onu özünün “könüllü müşaviri” götürüb. Fərmana görə, o, Qarabağın “iqtisadi inkişafı”nda guya mühüm rol oynamaq üçün bu “vəzifəyə” gətirilib. Başqa təbirlə desək, Arayikin iqtisadi məsələlər üzrə müşaviri olacaq.

Keushgueryan 8 Mart 1957-ci ildə Suriyanın Xüms şəhərində anadan olub. İş fəaliyyətinə İtaliyada başlayıb, Toskana və Pulia bölgələrində şərab şirkətlərini qurub. 2009-cu ildə ailəsi ilə birlikdə Ermənistana köçüb və “Semina Consulting” şərabçılıq və konsaltinq şirkətini qurub. İş adamı eyni zamanda “Karas”, “Kataro”, “Koş” “Zulal”, “Oşin” kimi müxtəlif şərab istehsalı layihələrinin yaradılması prosesində iştirak edib. Hal-hazırda Vahe Keushgueryan yüksək keyfiyyətli şərab istehsal edən “Vine Works şirkətinin sahibidir. O, həmçinin bir sıra digər icma layihələrinin və inkişaf proqramlarının müəllifidir.

Sözsüz ki, Suriya ermənisi olan bu adam Qarabağa yerli sakinlərə gün ağlamağa gəlmir. Keushgueryanı bu diyara cəlb edən Qarabağın üzümçülük üçün yararlı torpağı, işçi qüvvəsinin ucuzluğudur. Qısası, Qarabağın bərəkətli torpaqlarında qaz vurub qazan doldurmağa gəlir. Amma bunun üçün Azərbaycandan icazə alıbmı? Axı, o torpaqlar bizimdir və 10 noyabr imzalanan 3 tərəfli bəyanata görə, yalnız sovet hakimiyyəti illərində Qarabağda yaşayan ermənilər və onların övladları bu ərazilərdə məskunlaşa bilərlər. Suriyadan hansısa bir erməninin Qarabağa gəlməsi, əvvəla, 3 tərəfli sazişə ziddir.

İkincisi, bu adamın Araikin fərmanı ilə qondarma “respublika”nın “prezidenti”nin müşaviri təyin olunması Azərbaycanın suverenlik hüquqlarının tapdalanması deməkdir.

Bəs, Azərbaycan XİN niyə susur? Niyə rəsmi Bakı Qarabağda erməniləri məskunlaşdırma işinə baxan Moskvadan “sülhməramlı” özbaşınalıqları yığışdırmağı tələb etmir? XİN -in susması isə belə şübhələr oyadır ki, işğal altındakı ərazilər Ermənistana və ya Rusiyaya verilib. Əgər belə deyilsə, onda XİN niyə məsələ ətrafında hay-küy qaldırmır və rus sülhməramlılarının 10 noyabr bəyanatının şərtlərini pozmasına göz yumur?. Hər halda bütün Azərbaycan xalqı məsələ ilə bağlı XİN-dən izahat verilməsini tələb edir...

Oxuməni.az Suriya ermənisinin Azərbaycanda at oynatması ilə bağlı videogörüntüləri təqdim edir: