Trampın tərəfdarı Rocer Stoun həbs edilib

Trampın tərəfdarı Rocer Stoun həbs edilib

21 Fevral 14:07
670
Bəyəndim (2) Bəyənmədim (0)

Federal hakim fevralın 20-də ABŞ Prezidenti Donald Trampın seçkiqabağı kampaniyasının siyasi texnoloqu və keçmiş müşaviri Rocer Stounu 40 ay müddətinə həbs cəzasına məhkum edib.

Oxuməni.az xəbər verir ki, Stoun 2016-cı ildə ABŞ-da prezident seçkilərinə Rusiyanın mümkün müdaxiləsinə dair ötən ilin payızında ABŞ Ədliyyə Nazirliyi tərəfindən aparılan araşdırma nəticəsində ona qarşı sürülən ittihamın yeddi maddəsi üzrə təqsirli bilinib.

Dairə hakimi Emi Barman Cekson Stounu 3 il 4 ay müddətinə dəmir barmaqlıq arxasına göndərməklə bərabər, ona həbsxanadan çıxandan sonra ikiillik sınaq müddəti verib, 20 min dollar məbləğində cərimə ödəməyi öhdəsinə qoyub. Stoun Konqresə iki dəfə yalan ifadə verməkdə, şahidlərin ifadə vermələrinə və Nümayəndələr Palatasının təhqiqatına mane olmaqda təqsirləndirilib. Amma Stouna çıxarılan hökm prokurorun tələb etdiyi cəzadan xeyli yüngül olub. İttihamçılar onun üçün 7 ildən 9 ilədək həbs cəzası tələb ediblər. Lakin ABŞ-ın Baş prokuroru Uilyam Barr işə müdaxilə edəndən sonra həmin müddət azaldılıb.

Oxuməni.az