Ermənistan və Azərbaycan deputatları arasında centlmen razılaşması əldə olundu
Bakıda EuroNest Parlament Assambleyasının sessiyası çərçivəsində İqtisadi inteqrasiya, Hüquqi yaxınlaşma və Avropa İttifaqı siyasətləri ilə uyğunluq üzrə komitəsinin iclasında komitənin hesabatı müzakirə olunub. Hesabata edilən dəyişikliklərlə bağlı müzakirələr zamanı Ermənistanın 8 saylı, Azərbaycanın isə 12 saylı təklifi həmin sənəddən çıxarılıb.
Ermənistanın EuroNest Parlament Assambleyasındakı nümayəndə
heyətinin rəhbəri Vaan Ovannesyan çıxışı zamanı Bakıda yüksək səviyyədə
qarşılanmaqlarından məmnun olduğunu bildirib. Onun sözlərinə görə, Azərbaycan nümayəndə
heyəti ilə öncədən belə bir centlmen razılaşması əldə edilib ki, komitənin
hesabatına təklif olunan dəyişikliklərdə ümumi işə ziyan vuracaq ifadələr
olduqda çıxarılacaq: "Biz öz tərəfimizdən hesabatla bağlı 8 saylı təklifimizi
geri götürürük. Azərbaycan tərəfi isə bizə söz verib ki, 44 saylı təklifi
çıxaracaq, geri götürəcək. İstərdik ki, ziddiyyətli təklif hesabata
salınmasın".
Azərbaycanın EuroNest PA-dakı nümayəndə heyətinin üzvü Azər
Kərimli isə qeyd edib ki, Azərbaycan hesabata təqdim etdiyi 12-ci təklifi geri
götürür.
O.M.