Suriya böhranı üzrə növbəti dördtərəfli sammit fevralda İstanbulda keçiriləcək

Suriya böhranı üzrə növbəti dördtərəfli sammit fevralda İstanbulda keçiriləcək

6 Dekabr 2019 10:41
46
Bəyəndim (1) Bəyənmədim (0)

Suriya böhranı üzrə Türkiyə, Böyük Britaniya, Almaniya və Fransa liderlərinin iştirakı ilə ikinci sammit gələn ilin fevral ayında İstanbulda keçiriləcək.

Oxumeni.az NTV telekanalına istinadla xəbər verir ki, bu barədə Prezident Rəcəb Tayyib Ərdoğan NATO sammiti başa çatdıqdan sonra Londonda Türkiyə KİV-lərinin rəhbərləri ilə görüşü zamanı məlumat verib.

“Biz ildə azı bir dəfə dördtərəfli sammit keçirmək barədə qərar qəbul etmişik. İndi bu sammit fevral ayında İstanbulda baş tutacaq”, - deyə Türkiyə lideri bildirib.

Xatırladaq ki, Türkiyə, Fransa, Almaniya və Böyük Britaniya liderləri dekabrın 3-də Londonda NATO sammiti çərçivəsində bir araya gəlib və Suriya böhranı üzrə ilk görüş keçiriblər. Rəcəb Tayyib Ərdoğan danışıqların yaxşı keçdiyini deyib. Almaniya kansleri Angela Merkel də belə formatda ilk görüşün nəticələrini müsbət qiymətləndirib.

© Materiallardan istifadə edərkən hiperlinklə istinad olunmalıdır

Oxumeni.az