VİDEO-B.Obama radikal irqçi, ağdərililərin düşməni imiş
ABŞ-ın ilk qaradərili prezidenti Barak Obama, sən demə, qatı irqçi imiş. O, tələbəlik və gənclik illərində ABŞ konstitusiyasına və qanunlarına qarşı mübarizə aparanlardan biri olub. "Fox" televiziya kanalının bu gecə yayımladığı video kadrda bunu açıq-aydın görmək olur. Belə ki, 1991-ci ilə aid olan görüntüdə Harvard universitetinin Hüquq fakültəsinin tələbəsi Barak Obama ABŞ-da irqi ayrı-seçkiliyə qarşı nitq söyləyir. Məlumdur ki, B.Obama o zamanlar radikal irqçi professor Derrik Bellin davamçısı idi və qaradərililərin ağlar tərəfindən istismara məruz qaldıqlarını, ABŞ qanunlarının buna xidmət etdiyini təbliğ edirdi. O, həmçinin ağlara qarşı mübarizədə fəal iştirak edirdi. Təsadüfi deyil ki, Derrik Bellin tərəfdarları ABŞ Konstitusiyasını və qanunlarını "ağ qanunlar" adlandırırdı, yəni ağdərili insanlara xidmət edən qanunlar.
Barak Obama tələbə yoldaşları qarşısında çəkinmədən
deyirdi: "Ürəklərinizi və təfəkkürünüzü professor Derrik Bellin sözlərinə
açın." Bu zaman "İrqi nəzəriyyənin tənqidi"
kitabının müəllifi Derrik Bell ona diqqətlə qulaq asır, razılıq əlaməti
olaraq başını bulayırdı. Yeri gəlmişkən, Derrik Bell Harvard universitetinin
ilk zənci professoru ola bilmişdi. Bununla belə, nəzəriyyəsinin təbliğini davam
etdirirdi. Çoxları onu radikal irqçi adlandırsa da, professor cəsarətlə bəyan
edirdi: "ABŞ-ın əksər qanunları zənci amerikalıların diskriminasiyasına xidmət
edir".
Derrik Bellin 1993-cü ildə qələmə aldığı hekayədə yazılırdı: "Ağdərililər zənciləri
əcnəbilərə qul kimi satacaqlar ki, dövlət borcu azalsın. Yəhudilər də bu işdə
iştirak edəcəklər."
Məlum video çarxın nümayişindən sonra ABŞ vətəndaşları prezidenti irqçilikdə ittiham etməyə başlasalar da, iqtidarda olan siyasətçilər Barak Obamanın çıxışında qeyri adi heç nəyin olmadığını bəyan edirlər.
Qaranlıq keçmişin səhifələrində çox qara ləkələr tapmaq olar...
Natiq Qocaman
O.M.