Günün fotosu
Günün videosu
Şərhsiz
Birinci vitse-prezident Mehriban Əliyeva Azərbaycan xalqını təbrik edib

Birinci vitse-prezident Mehriban Əliyeva Azərbaycan xalqını təbrik edib

28 May 2019 13:40
37
Bəyəndim (0) Bəyənmədim (0)

Azərbaycan Respublikasının Birinci vitse-prezidenti Mehriban Əliyeva 28 May - Respublika Günü münasibətilə Azərbaycan xalqına təbrik ünvanlayıb.

Mediainfo.az-ın verdiyi xəbərə görə, sosial şəbəkədəki paylaşımda qeyd olunub:

"Əziz həmvətənlər, Sizi Respublika Günü münasibətilə təbrik edirəm! 101 il əvvəl bu gün Azərbaycan Xalq Cümhuriyyəti – müsəlman aləmində ilk demokratik respublika elan olunub. Azərbaycanın çoxəsrlik tarixə malik dövlətçilik ideyaları yeni, mütərəqqi formada dirçəlib. AXC-nin qısa, lakin parlaq taleyi bizim milli mənlik şüurumuzda dərin iz qoyub. Onun ideyaları, onun irsi bizim müasir dövlətçiliyimizin tarixi və mənəvi təməlini təşkil edib. Müstəqillik, suverenlik, öz taleyimizi təyin etmək imkanı Vətənimizin inkişafı üçün başlıca şərtdir. Bu gün biz Respublika Gününü güclü və müstəqil Azərbaycanda qarşılayırıq. Sizin hamınıza səadət, xoş günlər və sevgi, Vətənimizə isə firavanlıq, rifah, sülh və tərəqqi diləyirəm".